“കഴിഞ്ഞ 20 വർഷങ്ങളേക്കാളും ഭൂമി ഇപ്പോൾ കൂടുതൽ ഹരിത വർണ്ണത്തിൽ” എന്നാണ് നാസ റിപ്പോർട്ട് ചെയ്യുന്നത്.

ഇത് കേൾക്കുമ്പോൾ നമ്മൾക്ക് അത്ഭുതം തോന്നാം.എന്നാൽ ഇവയ്ക്കെല്ലാം വ്യക്തമായ മറുപടിയാണ് നാസയുടെ റിപ്പോർട്ട്. 20 വർഷങ്ങൾക്ക് മുൻപ് ഭൂമിയിലുണ്ടായിരുന്നതിനെക്കാളും കൂടുതൽ പച്ച നിറമാണ് ഇപ്പോൾ ദൃശ്യമാകുന്നത്.

ഇന്ത്യയും ചൈനയും മറ്റു പല കാര്യങ്ങളിലും വ്യത്യസ്ത നിലപാട് എടുക്കുന്നവരാണ് എന്നാൽ അതിന് നേരെ വിപരീതമായി രണ്ടു രാജ്യങ്ങളും അവരവരുടെ സ്ഥലങ്ങളിൽ നടപ്പാക്കിവരുന്ന വൃക്ഷത്തൈകൾ നടുന്നതും പരിപാലിക്കുന്നതും ആയ പദ്ധതികൾ ആണ് ഇപ്രകാരം ഭൂമിക്ക് പച്ച നിറം നൽകുന്നത് എന്ന് നാസ കണക്കുകൂട്ടുന്നു.

 നഗരവൽക്കരണം 2 രാജ്യങ്ങളിലും ദ്രുതഗതിയിൽ നടക്കുന്നുണ്ട് അത് കണക്കിലെടുത്തുകൊണ്ട് തന്നെ ഇരു രാജ്യങ്ങളിലെ സർക്കാരുകൾ അതാത് രാജ്യങ്ങളിൽ പച്ചപ്പിനെ നിലനിർത്താനുള്ള പുതിയ പദ്ധതികൾ ആവിഷ്കരിച്ചു കൊണ്ടിരിക്കുന്നു.സ്കൂൾ തലം മുതൽ കോളജ് തലം വരെയും, സ്വകാര്യസ്ഥാപനങ്ങൾ മുതൽ ഗവൺമെൻറ് സ്ഥാപനങ്ങൾ വരെയും വൃക്ഷ തൈകൾ നടുന്നതിനും പരിപാലിക്കുന്നതിനും ഉള്ള വിവിധ പദ്ധതികൾ നടപ്പിലാക്കി വരുന്നു. ഇവയെല്ലാം ഒരു പരിധിവരെ വിജയിച്ചു എന്നതിനുള്ള തെളിവാണ് നാസ ഇപ്പോൾ പുറത്തു വിട്ടിരിക്കുന്ന പഠനം വിശദീകരിക്കുന്നത്.

2017 ജൂലൈയിൽ ഇന്ത്യ മധ്യപ്രദേശിലെ നർമദാ നദിയിൽ ഒരു ദിവസം കൊണ്ട് 66 മില്ല്യൻ വൃക്ഷതൈകളാണ് നട്ടത്. ഇതിനുമുമ്പ് ഉത്തർപ്രദേശ് സംസ്ഥാനത്ത് 800,000 സ്വമേധയാ സേവകർ 24 മണിക്കൂറിനുള്ളിൽ 50.4 മില്ല്യൻ മരതൈകൾ നട്ടുപിടിപ്പിച്ചു.

ചൈനയും ഇന്ത്യയുമാണ് ഭൂമിയുടെ ഹരിത ഭംഗി

“ചൈനയും ഇന്ത്യയുമാണ് ഭൂമി ഹരിത ഭംഗിയായി നിൽക്കുന്നതിൽ മൂന്നിലൊന്ന് ഭാഗവും വഹിക്കുന്നത്, പക്ഷേ ഭൂമിയിലെ മൊത്തം ഭൂവിസ്തൃതിയുടെ 9 ശതമാനം മാത്രമാണ് സസ്യജാലങ്ങളിൽ അടങ്ങിയിട്ടുള്ളത് – ഒരു അതിശയകരമായ കണ്ടെത്തൽ എന്നത്, ജനസംഖ്യാ പെരുകുന്നതുമൂലം രാജ്യത്ത് സ്ഥലത്തിൻറെ അളവിൽ കുറവ് വരും,” മസാച്യുസെറ്റ്സിലെ ബോസ്റ്റൺ യൂണിവേഴ്സിറ്റിയിലെ എർത്ത് ആൻഡ് എൻവയൺമെന്റ് ഡിപ്പാർട്ട്മെന്റിന്റെ മുഖ്യ ലേഖകനായ ചി ചെൻ പറഞ്ഞു.

നാസ സെൻസസ് റിപ്പോർട്ട്

1990-കളിൽ സാറ്റലൈറ്റ് വിവരങ്ങൾ ഉപയോഗിച്ച് ആദ്യമായി കണ്ടെത്തിയതാണ് ഈ ഹരിതപ്രതിഭാസം, ഈ വിശകലനം ഇപ്പോൾ ഭൂമിയെ പരിക്രമണം ചെയ്യുന്ന രണ്ട് നാസ ഉപഗ്രഹങ്ങളാൽ സാധ്യമാണ്. ഇതിനെ മോഡറേറ്റ് റെസൊല്യൂഷൻ ഇമേജിംഗ് സ്പെക്ട്രോറേഡിയോമീറ്റർ അഥവാ മോഡിസ് എന്നാണ് വിളിക്കുന്നത്, ഇത് നൽകുന്ന ഉയർന്ന റെസല്യൂഷനിലുള്ള ഡാറ്റ വളരെ കൃത്യമായ വിവരങ്ങൾ നൽകുന്നുവെന്ന് നാസ പറയുന്നു. 500 മീറ്റർ അല്ലെങ്കിൽ 1,600 അടി വരെയുള്ള നിരത്തിൽ ഭൂമിയുടെ പച്ചപ്പുതപ്പിലും ജൈവവൈവിധ്യത്തിലുമുള്ള മാറ്റങ്ങളെ കണക്കാക്കാൻ ഗവേഷകരെ ഇത് സഹായിക്കുന്നു.

ഇന്ത്യയും ചൈനയും

“ഈ ദീർഘകാല വിവരണം ഞങ്ങളെ കൂടുതൽ ആഴത്തിലേക്ക് ചെന്നെത്താൻ സഹായിച്ചു,”നാസയുടെ അമെസ് റിസേർച്ച് സെന്ററിലെ ശാസ്ത്രജ്ഞനും, കാലിഫോർണിയയിലെ സിലിക്കൺ വാലിയിലെ, പുതിയ സൃഷ്ടിയുടെ സഹ-എഴുത്തുകാരനുമായ രാമ നെമാനി പറഞ്ഞു, “ഉദാഹരണമായി, ഭൂമിയുടെ ഹരിതപ്രഭാവം ആദ്യം കണ്ടുതുടങ്ങിയപ്പോൾ  അന്തരീക്ഷത്തിൽ ചേർത്ത കാർബൺ ഡൈ ഓക്സൈഡിന്റെ ചൂട്, ഈർപ്പം നിറഞ്ഞ കാലാവസ്ഥ എന്നിവ വടക്കൻ കാടുകളിൽ കുടുതൽ ഇലകൾ വളരാൻ ഇടയാക്കി എന്നു ഞങ്ങൾ കരുതി. ഇപ്പോൾ, മോഡിസ് ഡാറ്റ പ്രകാരം, ചെറിയ തോതിലുള്ള വികസനമാണ് സംഭവിക്കുന്നതെന്നും ഇതിൽ മനുഷ്യരും സംഭാവന ചെയ്യുന്നതായി ഞങ്ങൾ കാണുന്നു”.

ഭക്ഷ്യവിളകളുടെ കൃഷി

കാലാവസ്ഥാ വ്യതിയാനം പരിഹരിക്കുന്നതിനുള്ള ഇന്ത്യയുടെ തന്ത്രത്തിന്റെ ഭാഗമാണ് ലക്ഷ്യം വച്ചുള്ള പ്ലാന്റേഷൻ പദ്ധതികൾ. 2015-ലെ പാരീസ് കാലാവസ്ഥാ സമ്മേളനത്തിൽ, ഇന്ത്യയുടെ ഭൂവിസ്തൃതിയുടെ 12 ശതമാനത്തിൽ വനങ്ങളെ പുനരുജ്ജീവിപ്പിക്കാൻ 6 ബില്ല്യൻ ഡോളർ ചിലവഴിക്കേണ്ടതുണ്ട്, കൂടാതെ, വനപ്രദേശം 29 ശതമാനമായി വർധിപ്പിക്കേണ്ടതുമുണ്ട്. വനവൽക്കരണത്തെ സംരക്ഷിക്കാനും വികസിപ്പിക്കാനും ചൈനയ്ക്കും സമാനമായ പദ്ധതികൾ ഉണ്ട്. ഭക്ഷ്യവിളകളുടെ കൃഷിയാണ് ഇൻഡ്യയിൽ കാണപ്പെടുന്ന 82 ശതമാനം ഹരിതപ്രഭാവത്തിന്റെ കാരണം. ഇതിൽ ഒന്നിലധികം കൃഷിവിഭവങ്ങൾ ഉൾപ്പെടുന്നു, ഒരു വർഷത്തിൽ ഒന്നിൽ കൂടുതൽ കൊയ്ത്തു ഉത്പാദിപ്പിക്കുന്നതിനായി കൃഷി മറ്റുള്ളയിടങ്ങളിലേക്ക് വ്യാപിപ്പിക്കുകയാണ് ചെയ്യുന്നത്. ഇത് ധാന്യങ്ങൾ, പച്ചക്കറികൾ, പഴങ്ങൾ തുടങ്ങിയവയുടെ ഉത്പാദനം 2000 ത്തിൽ നിന്നും 35-40 ശതമാനമായി വർദ്ധിച്ചു വെന്നും പറയുന്നു.

കൂടാതെ മറ്റു രാജ്യങ്ങളും ഭൂമിയുടെ പച്ചപ്പ് കാത്തു സൂക്ഷിക്കുന്നതിനായി നിരവധി പ്രവർത്തനങ്ങൾ നടത്തുന്നുണ്ട്, അതിൽ പ്രധാനം അമേരിക്ക നടത്തിക്കൊണ്ടിരിക്കുന്ന മഴക്കാടുകളുടെ പുനർ നിർമാണമാണ്, ലക്ഷക്കണക്കിന് വൃക്ഷവിത്തുകളാണ് ഓരോ ദിവസവും ചെറുവിമാനങ്ങൾ വഴി വനപ്രദേശങ്ങളിൽ നിക്ഷേപിക്കപ്പെടുന്നത്.കൂടുതൽ അറിയാൻ https://www.skooltek.in/technical-courses/